Mucha, hoben y adulto cu diabetes tipo 1

Dr. Vis a splica cu tin diferente diabetes tipo 1 ‘nos yame ta tipo 1 pero bou di dje tin yen otro sub tipos ‘ agregando cu ta erfelijk tambe. Segun dr. Vis nan ta haci e grupo grandi pa por compronde cu mas facilidad kico ta pasando pero tin yen otro subtipos y tambe ta confirma cu Aruba ta haya hopi di nan.

Un di diferencia tambe den e tipo un ta cu di un dia pa otro e pancreas ta stop di funciona y produci insuline. “E por bin di un virus infectie cual e sistema inmuno ta ruim op e virus anto pa motibo cu ta asina activo a ruim op e virus di eilandjes van Langerhans causando cu no ta traha nada di insuline.”

Den e caso di ‘LADA’ cu ta cuminsa den mas laat, e ta bin den pashentnan cu tin 30 aña di edad. E pashent aki por ta flaco, bida normal pero lentamente ta haya sucu. E ta kere cu por ta diabetes tipo 2 pa motibo di edad pero no e por ta ‘LADA’ cu no ta produci insulin mes.

Tipo 1 diabetes teoreticamente ta bin cu edad for di chikito, tambe dr. Vis ta splica cu e pashent teoreticamente por nace cu ne. Locual kiermen e mucha for chikito mester injecta insuline paso si o e no por keda na bida.

Segun dr. Vis si e persona haya virus e chens ta mas grandi cu e ta pasa na un ‘kinderleeftijd’. E ta continua splica cu si wak un mucha malo, sin energia, henter ora ta tira riba cama, e ta cuminsa saca, tambe e ta hala rosea lihe y e ta pishi henter dia cu ta por causa uitdroging. Esey ta e simtomanan mas comun. Ora wak cu e mucha ta hopi malo mayornan ta hibe dibiaha dokter pa asina e diagnose ta mas cla.

Tipo 1 segun dr. Vis ta malesa cu ta bin dibiaha. Den e siman ey e mucha ta bira malo, stel diagnose y mester cuminsa tratamento inmediatamente.” El a agrega cu persona cu tipo 1 no mester bebe tablet. Solamente den caso manera ‘LADA’ e prome tratamento ta keda insuline aunke nan por uza metformine si tin resistencia si nan ta sobrepeso.

Un persona cu diabetes tipo 1 por tin un bida normal. E pashent por haci algun deporte pero mester ta pendiente cu tin momento mester mas sucu den spieren. Tambe e pashent tin cu ta pendiente di su dosis. Pashent tin cu come na tempo paso tampoco no por spuit insuline si no ta come.

Segun dr. Vis e pashent cu diabetes tipo 1 unda cu e bay mester tin e pen cu ne. “E por biba normal pero mester tene na cuenta cu e tin un malesa cu mester tratamento cerca di dje. E ta un responsabilidad grandi.”

Tambe a puntra dr. Vis mas o menos cuanto pashent na Aruba tin diabetes. Dr. Vis ta contesta cu mas o menos 20% di e comunidad di Aruba tin e malesa diabetes. E ta un suma grandi di poblacion di Aruba. E ta remarca cu e edad ta varia, mas o menos un 90% ta diabetes tipo 2. Un 5% pa 10% tin diabetes tipo 1.

Leave a Reply

Your email address will not be published.