Meta di fundacion ta pa hende sinti nan mes na cas

Fundacion Cas Marie ta un pasa dia pa cliente cu tin dementia. Unda cu ta duna un oportunidad na e famia pa haya tempo liber pa nan mes. Pasobra cu hopi di e clientanan ta biba na cas cu nan famia y persona cu dementia ‘hopi biaha nan situacion ta bruha’.

Famia nan por tin un trabou extra, mayoria ta traha of tin cu bay dokter. Nan tin cu organisa cierto cosnan apart anto e familiar cu dementia ta keda eynan, sinembargo e ta un cliente vast. “E no ta cu ora e persona kier trece of pasobra e dia ey e  tin algo di haci e ta keda un client vast di dialuna pa diahuebs tin un grupo di 20 pa 21 cliente.

E bedoeling di e fundacion ta pa e cada cliente sinti nan mes na cas. Unda nan tin e libertad pa socialisa entre nan mes. Cada persona tin diferente sorto di dementia pero ‘toch entre nan mes bo no ta ripara pasobra nan ta costuma cu otro’.

Pa henter e dia nan tin actividad cu e begeleider ta zorg pa siman nan tin un programa hinca den otro pa asina presenta na cliente y nan por participa. Locual Does ta bisa cu ta importante pa tin movecion di curpa manera gymnastiek pa mantene e curpa intacto y den bon condicion.

Cada cliente tin e libertad di sinta, cana of ta unda cu nan kier, sinembargo nan tin e entrada su dilanti atras pa asina tin siguridad cu nan no ta sali. “Nan por move unda cu nan kier. Un hende cu dementia ora cu bo prohibi nan pa haci algo nan ta bira mas onrustig.”

Pa e motibo ey nan ta haci anochi informatibo, di fundacion Cas Maria mes ta e famia di e cliente ta bin pa papia di tur cos cu nan ta wak of intercambia cu otro famia, pa asina por yuda otro y comunica.

Pa motibo di wachtlijst nan ta brinda e servicio di e tres bes pa siman. No por yuda mas hende na savaneta capacidad di personal. Nos no ta bay pa cuanto hende sino calidad pa duna nan e tempo pa duna cada un nan necesidad no ta actividad so nos ta duna pero nos ta observa y evalua e cliente.

Leave a Reply

Your email address will not be published.