Stichting Trampolin Trabou ta e stichting cu ta coach persona cu limitacion cu tin e capacidad den dentra den area di trabou. Pa asina tur persona por sinti nan mes inclui y ta activo den comunidad.
Lionel Rumnit, job coach di fundacion trampoline a splica cu pa cliente cu limitacion prome tin cu tene un gesprek caminda e persona y e famia ta tin un idea pa y si ta pas pa por ta den un trabou.
Eynan e proceso ta cuminsa ‘instroom’ caminda e persona cu limitacion ta cumionsa cu e habilidadnan basico pa e training. Ora nan ta bon prepara nan ta sigui pa e doorstroom, esey ta camidna nan ta bay stage.
Esaki por sucede na un negoshi of organisacion. Ora nan ta cla cu e stage, e ora ta busca un trabou cu nan por ta fiho. Segun Rumnit e meta di trampoline pa trabou pa pa prepata, yudanan pa haya e guia pa asina nan haya trabou y mantene e trabou.
Stichting Trampolin pa trabou tin 5 aña trahado sinembargo a cuminsa wak e fruto di e fundacion. “Bo no ta realisa cuanto cosnan a pasa. Nos a haya mas di 30 cliente, mayoria ta na pia di trabou. E personanan aki ta traha cu amor, felis, nan no kier tene man nah alto y tampoco ta warda pa hende duna nan placa.”
Rumnit ta expresa cu su clientenan kier wordo aprecia y balora ‘nan kier traha cu orguyo’. E ta bisa cu esey ta duna nan forsa pa nan sigui y ta habri caminda pa otro ‘un cliente ta trahando felis’.
E ta bisa cu esey ta duna un ehempel. Awo cu evento di 18 maart tin actividad cu nan cliente lo ta trahando. “E amor cu nan tin pa nan trabou. E interes, e gana di kier traha y haci nan trabou. Nan merece un chens den comunidad pa e potencial cu nan tin.
Rumnit ta bisa pa e proceso aki no ta nada facil. Pa motibo cu ta keda reto di famia, cu nan tin miedo cu hende ta bay haci algo malo cu nan yiu cu tin limitacion. Tambe tin e berguensa di nan yiu ‘esey no mester’ e ta bisa cu e persona cu limitacion ‘kier y por’.
Cu esey e ta bisa cu no mester stroba nan. Tin biaha e mayor ta esun cu ta stroba pa e persona cu limitacion sali den comunidad. Sinembargo Rumnit ta bisa cu nan tambe ta ser humano.
E ta bisa cu e proceso di tin confiansa cu e mayor of e famia, pa por laga e mucha por sigui cu e guia di trampoline pa trabou. “Hopi caso nan ta inpsiracion den fase cu ta bay wak mas dunado di trabou lo bay habri porta pa cliente y nan ta descubri e talento.”
Pa esaki e ta bisa cu hende tin cu tuma nan pa asina nan mes pir experencia locual e persona cu limitacion ta haci. “Nos ta biba den un isla y ta facil pa hende punta dede. E dolor di famia cu hende ta pasa den dje anto nan kier cera nan yiu of no duna espacio.”
Esey por crea cu e persona tambe por cay den depression. Rumnit ta bisa cu e conseho pa e famia (mirando cu hopi biaha nan kier solamente proteha pero ta lubida cu nan tambe kier un identidad) nan kier ta social. Dus mayor mester tene na cuenta cu nan tambe tin derecho pa un bida social y no mester separa nan.
“Ami lo conseha pa mayor wak kico tur tin rond di Aruba, nan no sa cuanto hende of fundacion cu tin nan pa yuda nan. Respaldo tambe tin cliente cu ta wordo trata y cu ta forma parti di comunidad y nan mester e chens pa traha”, el a bisa.
Rumnit a splica cu tin persona cu a ta bon studia pero tin problema psikiatrico cu tambe mester soluciona nan problema, kizas no por ta 100% productive pero nan por aporta pa comunidad ‘mester out of the box’.
Pa guia ‘coaching’ y siña nan e caminda pa cana. Di e forma aki nan motiva otro tambe pa sigui siña y no keda pendiente di e ‘handicap uitkering’ sino pa stimula pa bay traha y kier e yudansa cu nan por.
Si tin hende cu kier tin mas informacion of kier sa mas di stichting Trampolin pa trabou pa cualkier pregunta nan por bishita nan Facebook page cu e nomber di e stichting. Persona por pasa bishita e luga y wak.
Nan ta recorda cu Stichting Trampolin pa trabou ta pa gana e curason di tur hende y disfruta di nan servicio. Pa no cera pashent, duna nan un caminda pa cana y pa nan sa cu tin chens y por aporta pa comunidad. Por yama na 5829485 / 5920096. Por check trampolinpatrabou@gmail.com.
Leave a Reply