E cobransa tin fecha di 31 di mei 2021. Ta trata di un cobransa cu ta sali tur aña pa e contribuyentenan cu ta doño di un propiedad inmobil. Termino di pago Ley ta duna e opcion pa paga e cobransa di grondbelasting den un solo biaha of den termino.
Departamento di Impuesto ta conseha tur contribuyente pa lesa e texto imprimi riba e cobransa cu hopi atencion pa cu e termino di pago. Preferibel haci pago online Por efectua e pago corespondiente na un di e oficinanan di Departamento di Impuesto of via banco.
Departamento di Impuesto ta recomenda pa haci pago di impuesto online via banco, preferiblemente via Aruba Bank of Banco di Caribe. e sistemanan di e dos banconan aki ta conecta automaticamente cu e sistemanan di DIMPy e mesun dia e transaccion ta keda registra.
Ora di haci pago online mester scoge e opcion di Bill Pay y no Transfer. Ora di haci pago online menciona: grondbelasting 2021, number di cobransa y persoonsnummer. Di e forma aki Departamento di Impuesto por procesa e pagonan corectamente.
Areglo di pago:
E cliente cu no por paga su cobransa di acuerdo cu e terminonan legal, por haci un peticion pa areglo di pago. Actualmente contribuyentenan por haci uzo di e areglo di pago flexibel cu e Plan di Alivio Fiscal parti 2 (seccion 9) ta brinda.
Tuma contacto cu nos na 5227424. Di e manera aki Departamento di Impuesto tambe ta contribui na e recuperacion di e forsa financiero di nos contribuyentenan.
Leave a Reply