Hende muhe kende a asesina su casa violado a keda liber

Un hende muhe frances kende a admeti di a mata su casa despues di a sufri abuso pa casi dos decada, a laga corte manera un hende muhe liber.

Valeria Bacot a keda sentencia pa 4 aña di prison, cu tres di nan suspendi. El a keda liber pa motibo cu el a cumpli un aña den prison. Abogado di Bacot, Nathalie Tomasini a bisa dilanti e tribunal Chalon-sur-Saone na Francia.

Bacot ta agradeci tribunal y henter e sosten cu a dun’e. E ta bisa cu esaki ta un pelea pa tur otro hende muhe cu ta sufri mal trato. Bacot no ta sinti alivia, pero cansa mental y fisicamente.

Abogado di Bacot a bisa cu a duna husticia y ta conmovi cu e decision. Bacot lo bolbe cerca su yiu anto esey ta e gran victoria. Bacot a admeti di a tira su casa Daniel Polette na 2016, Polette a cuminsa abusa di dje sexualmente ora cu e tabatin 12/ 13 aña segun documento hudicial.

Durante e momento ey, e tabata e pareha di su mama. Despues el a bira e casa di Bacot y tata di su 4 yiu. Anteriormente e tabata referi na dje manera su padrastro.

Bacot a cay flauw ora el a tende e sentencia cu e lo keda liber, urgencia a bin atende cune. Bacot lo tabata di enfrenta potencialmente un sentencia di bida largo pa tira contra Polette.

Leave a Reply

Your email address will not be published.