Variante Lambda di coronavirus identifica prome biaha na Peru

Mientras cu autoridad di cada pais ta monitorea e preocupacion di avance di e variante di delta di coronavirus. Awo Lambda a keda designa manera e variante den investigacion pa autoridad di salud ‘Public Health England’ pa motibo di expansion internacional y otro mutacion.

E variante Lambda a keda clasifica manera variante di interes pa organisacion mundial di salud, el a keda identifica pa prome biaha na augustus 2020 y ta kere cu su origen ta na Peru. Lambda a keda detecta na 29 pais y ta principalmente na America Latino segun WHO.

Actualmente no tin evidencia di e variante Lambda, cu e por causa un malesa grave of pa haci cu e vacuna contra e coronavirus ta menos efectivo. Te cu awo a identifica seis caso di Lambda na henter Inglatera, tur relaciona cu biahe na stranhero.

Leave a Reply

Your email address will not be published.