Polis na Europa ta haya gang di hackers

Polis a aresta 10 persona na Inglatera, Belgica y Malta pa hack celularnan cu ta pertenece na celebridad di Merca, incluyendo influencer, deportistanan y musiconan, hackers a horta informacion persona y miyones di cryptocurrency.

E agencia Europol di Union Europeo a bisa cu e gang di hackers a horta mas di $100 miyon den cryptocurrencies usando ‘SIM swap attacks’. E atakenan aki ta involve deactiva un sim card di nan celular, nan ta hack e compania di celular pa asina transferi pa otro carchi di SIM cu ta den control di e gang hackers.

E investigacion di Europol tabata un union entre Reino Uni, Merca, Canada, Belgica y Malta su polis. Europol no a specifica e nacionalidad di esnan cu a keda aresta, pero Inglatera ‘National Crime Agency’ a bisa cu 8 hende homber a keda na Inglatera y Escocia. Otro dos tabata na Belgica y Malta. Niun agencia a identifica e nombernan di e celebridad.

Leave a Reply

Your email address will not be published.