Dos persona a fayece despues di un explosion cu a provoca cu un edificio na e capital Español, Madrid. Un evaluacion a sugeri cu un fuga di gas a causa e explosion, asina a bisa alcalde Jose Luis Martinez Almeida.
Reportero ta bisa cu ainda tin candela paden di edificio (cu ta pertenece na e Iglesia Catolica) y ta keda na e centro di e ciudad. Tin ocho persona cu a resulta herida. Un hende muhe di 85 aña di edad y un hende homber a muri na explosion, segun informe.
Un di esnan herida ta den estado grave y a keda traslada pa hospital, segun autoridad. E ekipo di rescate a evacua mas di 50 persona for di un residencia di anciano na edificio di e zona di Puerta di Toledo na Madrid.
Cuatro piso di edificio a keda destrui na explosion, nan por a tende e explosion na varios area di e capital. E imagen comparti na medionan social ta mustra huma y resto di candela riba caminda.
Servicio di emergencia a bisa cu tin 9 ekipo di bombero y 11 ambulancia cu ta haya nan mes na luga y cu algun persona afecta pa explosion a keda atendi na e caya di Tolefo na e caminda unda el a pasa. E agente di polis a despeha na e area, cerando e trafico y peaton y a pidi residente local pa no acerca na e area.
Leave a Reply