Factornan di comete un crimen

Pemberton -Leonard cu hende ta bisa cu tur cos ta cuminsa na educacion di cas. Pero algun tin bon educacion pero ainda ta comete un crimen. Pemberton – Leonard ta contesta cu tin un dicho ta bisa ‘it takes a village to raise a child’ e ta tuma un barrio pa cria un mucha. Agregando cu no ta solamente mama y tata.

Ta hopi factornan cu ta hunga rol ora cu un hoben comete un delito y mester tene na cuenta cu e factor protective cu mester ta hopi fuerte. Si e factor protectivo di cas ta fuerte en berdad e mucha ta mas fuerte pero esey no kiermen cu e mucha no ta cay sera.

Sinembargo e ta bisa cu si den cas, e tin bon base, pero amistad ta debil of na scol no ta duna un bon acohida, e por ta trabou, grupo di amistad. Tin hopi cosnan cu por haci cu e hoben ta bay haci algo robes siendo cu mama y tata a dune un bon educacion. E no ta un factor so.

E ta agrega cu ta un combinacion di diferente factor. E hoben por ta bon den un pero dne otro no. Tambe ta splica cu e tin di aber cu e personalidad di e hoben. Locual por pasa cu e hoben ta mas vulnerabel pa uzo di droga ‘e no ta un cos so cu bisa ta e droga of ta amigo’ e ta bisa den caso e ta cay sera pa motibo di combinacion. Psicologicamente un hoben por pasa abou di trauma y ta keda stabiel.

Locual ta yama nos atencion pa haci algo. E ta continua splica cu e ‘trigger’ den bida ta pone pa haci algo sea grandi of chikito anto pa motibo cu e mucha tin e ‘trigger’ e ta haya e motivacion pa comete e acto of delito.

E motivacion ta pa nan hacie. Si un hoben tin hamber esey ta bira e trigger, anto pa motibo cu e tin hamber a dune e motivacion pa bay horta pa por haya cuminda of placa. E ta duna di conoce cu esey tambe nan ta midi. Pa nan por sa kico exactamento e actitud ta e ta varia.

Sinembargo e ta comparti cu ora mucha no tin nada di haci mayoria di bes ta busca algo pa haci y mucho biaha ta cosnan negativo. Pa locual ta trata e temporada di carnaval tin mas crimen pero e ta varia. Den general e ta haya cu carnaval ta cay mas sera, pero tambe den temporada di augsutus, october, henter e aña ta ocupa.

Nan tin nan medida cua periodo ta esnan cu ta subi y baha pero ‘ta henter aña bezig’. Nan no por bisa kioc ta conduci pero e ta depende e delito cu e persona comete. Tambe tin esnan cu ta pleita durante scol, of inbraken pero mayoria ta ora e muchanan ta na cas cu vakantie.

Leave a Reply

Your email address will not be published.