Sra. Tamara Rasmijn di CENSO ta bisa cu a logra 62% den dos siman, esaki ta e adres cu nan no a logra den december. Ainda falta varios cas. E ta pidi cooperacion di persona cu ainda falta pa por coopera cu CENSO pa asina tin datonan update.
Un preocupacion cu semper ta keda ta cu persona ta puntra si nan informacion ta bay dilanti pa persona cu ta indocumenta of si e ta pasa pa departamento di belasting. Sra. Rasmijn ta bisa cu esey no ta e caso y cu tur informacion cu ricibi ta keda anonimo.
“Respect ta keda importante pa nos, nos ta pidi pa solamente coopera den yena e cuestionario. Tin pregunta cu hende no kier keda sin contesta pa motibo di miedo of no kier pone e informacion di nan entrada. Esey ta keda e pregunta mas esencial”, e ta bisa.
Pa persona cu kier regel un afspraak
Pa siguiente siman lo cuminsa cu e ultimo fase pa asina nan por tin tur conteo pa por caba dia 31 di maart 2021. Cualkier persona cu kier mas informacion of regel un afspraak cu dia y orario por acerca via nan Facebook page, of acerca nan oficina tambe por yena e cuestionario di Censo2020.aw.
Leave a Reply