Asesor presidencial di inmigracion, Tyler Moran a bisa cu administracion di Biden ta segura acuerdo pa Mexico, Honduras y Guatemala pa nan estrecha nan frontera y stop e fluho migratorio.
“Nos ta sigur cu acuerdo pa pone mas tropa na nan frontera. Mexico, Honduras y Guatemala a acorda pa haci esaki. Esey lo evita pa traficante, contrabandista y cartel probecha di e muchanan cu ta crusa e caminda y lo proteha nan mas”, Moran a bisa.
E administracion di Biden a lucha pa mantene cu afluencia di migrante cu ta yega na e frontera y tin un aumento importante pa e number di muchanan migrante cu ta bou custodia di Merca. Moran tambe a describi un enfoke pa aborda e situacion di frontera.
Esey ta incluyendo e procesamiento di menornan di edad cu no ta bou di un compania di adulto pa drenta sigur na Merca. “Nos ta wak e motibo dicon hende ta bin den region. Esey ta importante. Si solamente enfoca na nos frontera, no ta abordando e motibo real dicon nan ta bin den nos frontera.”
Moran a bisa cu e president tin un plan y ta trahando cu e vicepresident pa logra esaki. Administracion di Biden a gasta un 62 miyon di dollar pa atende cu menornan di inmigrante cu no ta acompaña pa un adulto.
Leave a Reply