Vice-presidente y abogado di sindicato FTA, Hose Figaroa ta comparti riba e situacion y efecto cu Aruba a sinti ora e pandemia a cuminsa. Con esaki a dal duro pa nos economia y mundo laboral.
E ta papia riba con varios persona a papia con compania a trata cu e situacion durante e pandemia. Mayoria di compania cu no a reduci personal, algun a duna pakete na nan personal. Un cantidad di hende cu a bay na departamento di labor.
Den un aña, un gran cantidad di persona a perde trabou, mas e grupo di trahado cu ta cay abou di un contratista ‘a wordo manda cas di un dia pa otro’. Esaki ta e grupo cu ta wordo manda via uitzendbureau of compania grandi cu tin contract cu pa esnan cu ta encarga pa e construccion manera di hotel.
Sinembargo e situacionnan aki ta algo cu internacionalmente a sufri tur e consecuencianan. Sr. Figaroa ta bisa cu mester regula esaki y pa trahado busca manera pa afilia na un sindicato pa asina por regula nan situacion riba esaki.
Por ehempel, e sindicato ta eynan pa motibo cu nan ta proteha e trahado, e leynan y derecho di nan. Nan ta duna e proteccion, pa motibo aki, cantidad di hende cu a perde trabou ta relativamente chikito.
E ta bisa cu cantidad cu a perde na minimo cu nan entrego di beneficio y salario. Ta wak optimismo e situacion cu ta mehorando. E ocupacion ta subiendo bek y por mira crecemento den cifra den e turismo, ‘no manera 2019 pero compara cu 2020 tin un adelanto significante’.
Cu e proteccion di CAO, e grupo a sa di mantene nan trabou y proteccion di ley. Sinembargo e ta bisa cu mayoria di trahado no conoce nan derecho, anto pa motibo aki un sindicato si nan y ta mantene e derecho aki.
Leave a Reply