Sra. Irene Croes ta anuncia cu pa prome biaha e van di control di cacho ta subi riba caminda, e unidad ta activo for di inicio pero awe a bay den bario pa atende cu melding di persona cu ta neglisha nan cacho.
E persona a duna permiso pa bay cu su cachonan mirando e estado di e cachonan. Awe pa prome biaha tabata e training pa esnan cu no tabata envolvi sa con pa handle den situacion asina y ta bon ekipa.
Sra. Croes ta bisa cu e proceso ta cu e cachonan ta bin den e centro di control, anto ta haci evaluacion pa wak con estado ta, si por haya un cas nobo p’e. Mirando e caso reciente, cu e ta negligencia, cacho ta flaco y tin sarna, tin cu wak pa asina por sa kico pa haci.
Actualmente esnan cu ta tumando melding ta cuerpo policial y Bureau City Inspector, den e caso a tuma e melding di urgencia. E ta bisa cu e proposito di nan no ta pa duna boet ‘pero si tin cu parti boet pa hende ta responsabel cu nan cacho y mantene den cura lo haci esey’.
E proposito ta pa conscientisa hende pa nan por ta responsabel cu nan bestia y nan lo keda haci esaki.
Robby Rosel PR di BCI ta bisa cu conhuntamente cu varios departamento ta moviendo pa drenta accion, manera DVG, KPA y BCI cu ta pa tres dia den training y awo ta den accion pa wak e situacion den barionan y di cachonan.”
“Nos tin hopi melding ta drentando y nos ta pidi cooperacion pa pueblo di Aruba. Nos tin varios parti den centro caminda ta pone e cachonan depende nan estado, cacho bravo of chikito. Si den caso hende kier pasa adopta pa contribui. Nos lo traha cu tur departamento conhuntamente pa traha bon. Tur dia lo tin control.
Leave a Reply