Efectonan di perde un baby por tin den hende muhe

Den un entrevista cu psychologo Robert Leal a papia tocante asuntonan di abortus cu por tin efecto den persona su bida ora nan perde of no kier un yiu na e momento ey.

Abortus por pasa den hoben y adultonan. E por bin di un influencia pero kico por pasa of problema e por trece si un persona haci abortus. Pa mayoria di persona cu ta haci abortus ta trece algun problema. E ta agrega cu tin expecion pero e ta masha poco.

Pero tin caso cu realmente no ta mishi nada den nan ‘nan ta wake un manera fisico’. E ta bisa tin e grupo aki pero ta minoria. Tin diferente caso manera si e ser femenino tabata kier tin e yiu. El a aborta pa e situacion inespera. Tin caso cu nan tabata kier un yiu pero el a perde.

Tin situacion cu e hende homber no kier yiu anto ta keda pusha su pareha pa no haya yiu, pero e pareha si kier e yiu. Sinembargo den mayoria di caso hende homber ta esnan cu no kier y muhe si.

Locual e trece cune ora un persona ta aborta ta ‘e sentimento di culpa’. E ta un tristesa interno. E ta mara na miedo y tristesa, anto nan ta keda riba e pensamento cu ‘locual ma haci ta un daño’.

Un hende muhe cu a hacie aña pasa of pa varios aña caba tin ainda cu ta cana cu e culpa di e aborto. “Tambe ta depende di ki sorto di creencia tin su tras.” E tema di creencia ta ‘ta matando un hende’ den e caso aki e culpa ta ‘bira mas grandi ainda’.

Tin esnan cu ta mas hoben y e pensamento di no por sigui studia tey. Anto ta prefera aborta pa asina evita algo bay malo den nan estudio of conflict cu nan mayornan. Pero den tur caso e ta varia, vida a cuminsa cambia pero ainda e concepto di cu aborta ta un asesinato.

E concepto di creencia y e culpa mas fuerte. E sistema di creencia ta hunga un rol grandi cual ta haci e dolor keda mas largo. Pa motibo nan tin e tension di sentiment di culpa ta pone cu nan sistema di curpa paden no ta duna e permiso.

Sr. Leal ta splica cu e proceso ta diferente. E no ta manera nan ta splica cu e sperma ta drenta e ovule ‘esun mas lihe y balente ta drenta’ e ta bisa cu no ta esey. Nan ta spera pero e nan mes ta warda pa e proceso asina nan por tuma e decision.

Den su practica manera un psycholoog e ta bisa e ser femenino ta drenta den un nivel di baha stress. E ta importante pa e muhe principalmente. E no sa cuanto e proceso por dura. Tur cos ta depende e situacion cu e muhe a pasa aden.