Robert Leal, psicologo ta duna conseho na comunidad pa famia cu ta pasando den e situacion aki. E ta duna di conoce cu no ta un secreto cu pa hopi aña den mundo no a conoce un famia cu ta bibando den esaki ‘pero esaki ta realidad y tin cu cuida y yuda otro’.
Segun e conseho di Leal ta cu mester tin e pasenshi presente pero pa motibo cu mayoria di persona no a desaroya of tuma tempo pa pasenshi tuma e luga, anto ‘e ta algo cu no ta bay lihe manera nos kier’.
E ta comparti cu nan tin registra den institucion social di psicologo, e violencia den famia a subi. E pleitamento a bira mas grandi, tin mas insulto, tin mas kibramento entre otro. Nos ta haya mas violencia, yiunan cu ta kibra, violencia entre hende muhe conta hende homber y vice versa. Violencia verbal y cu frecuencia mas halto.
Leal ta bisa cu nan no tin desarayo di e pasenshi y cu nan no lo logra den 2 pa 3 dia locual mester tin tempo pa logra. Segun e ta splica cu mester tin e herment necesario pa cada biaha cu por hala rosea ‘cada biaha corda hala rosea’.
Den cualkier situacion cu confronta cune e ta bisa haci e mesun ehercisio, sea ta cu celular, of cana rond. Leal ta bisa cu tin cu mantene e cupra cu oxigeno pa asina e cel mantene e oxygen di musculo y relaha.
Di e forma ey ta duna tempo pa e persona ta mas calmo, pa motibo cu si actua di un forma impulsivo lo bay sigui kibra. Pa e motibo e ta keda enfatisa cu e training di pasenshi mester tin den cas. Sea e pasenshi cu yiu, pareha cu ken cu ta den cas ‘hala rosea, conta te shete y despues contesta’.
Ta mas importante cu e violencia den famia tin cu stop. E unico cu nan ta pidi ta pa famia keda uni, sinta banda di otro, wak television hunto, haci deporte den nan cas, si algo malo of negative pasa nan por stop di zuer of zundra. Esey ta un peticion cu e hunto cu tur professional den area ta pidi. Pa hende por cuminsa compronde y tuma tempo.
Leave a Reply