Recientemente Baby Beach Resorts a duna un conferencia di prensa pa duna e detaye di e construccion di hotel na San Nicolas. Director di Baby Beach Resorts, sr. Alejandro Murcia ta duna mas detaye riba esaki.
Sr. Murcia ta bisa cu e hotel a keda cla cu diseño, cu e ta un grupo cu ta bin di nan hotel di Isla Canaria, na Spaña. Nan a purba di pone e mesun diseño, mirando cu Isla Canaria tin e tempo similar cu di Aruba ‘un clima seco’/
Nan ta sigur cu un hotel di nan operacion lo tin exito pa San Nicolas, caminda nan lo atrae turista pa yega asina leu. E ta bisa cu nan resorts pa turismo ta e style di ta inclui tur cos, esey ta otro cu nan tin den Caribe tambe.
E hotel a cuminsa cu ‘ground breaking’ na 2019, pero a stop cu trabou pa motibo di pandemia. Pa mei lo cuminsa cu structura pa asina por caba cu e projecto na 2023. E prome diseño cu nan a mustra a keda cambia pa motibo di recomendacion di departamento.
Nan a pone e diseño actual mas integra cu e area, San Nicolas, color di desierto y mas horizontal. Tambe haci adaptacion pa sistema cu tin na San Nicolas. Nan ta den contacto cu DOW pa asina cualkier detaye cu tin ‘nos lo aporta na comunidad’.
Sr. Murcia ta bisa cu nan sa tur challenge cu lo bin. “E pandemia tabata e prome reto cu a afecta nos construcion, pero nos ta positivo, nos lo sigui traha duro pa finalisa, y den e tempo cu a stop nos a sigui traha pa sigui mehora e plan.”
Cu esaki tambe sr. Murcia a bisa cu pa momento nan lo mester persona cu sa di construccion y ora cu ta asina leu, lo cuminsa pidi pa hende cuminsa aplica pa trabou. E ta bisa cu nan lo duna oferta pa hende presenta cu nan CV. pa nan tuma trahadonan local cu mester trabou.
Leave a Reply