Ta conoci cu pa varios luna, piscado a bin dilanti pa asina mustra nan mal contento y keho riba e pida tereno cu ta destina pa decada un propiedad di APA. CEO di APA, sr. Mark Figaroa ta bisa cu tin cierto desaroyo bayendo y a ripara e situacion andando.
“Nos tin cierto beheer na a area ey, pero gran parti operador di e condo. E ta algo cu nan a hereda y cu for di 2016 e ta andando. A yega di splica nan den diferente ocacion y den varios reunion cu a tuma luga tocante e area aki”, e ta bisa.
Sr. Figaroa ta bisa cu ta garantisa tur hende y piscado cu nan lo keda, nan a bin cu exigencia na e grupo di area, ‘di parti di APA nos a impone y exigi’ e ta bay den fase. E prome fase ta e desaroyador a yega pa embeyese e luga. Nan lo cambia asfvalt nobo y e acceso cu tin pa e luga no lo wordo kita.
E ta bisa cu tin intencion pa sigui cu reunion pero esaki ta un ‘win win situation’. Pa APA e ta importante cu tur hende keda satisfecho. APA ta proteha e cultura tambe manera Stichting Rancho a trece dilanti pa mehoracion.
“Nos tur sa cu playa ta sufriendo. Nos mester tene cuenta cu e vision cu esaki tin y ta trece valor pa e turismo di crucero. Tambe nos sa e rol den nos cultura, y nos enfasis ta pa interes di tur hende y nos ta garantisa cu no ta perhudica hende”, e ta bisa.
Pa varios tempo nan tabata diferente dialogo, na dado momento nan a haci afspraak cu a wordo haci. Sr. Figaroa ta bisa cu el a yega di sinta cu Stichting Rancho caminda a splica di tur e trajecto y ta na altura di tur discusion.
E ta bisa cu enfoke ta pa yega na un solucion y cu e ta un oportunidad unico pa e turismo y pa piscado wak e luga bunita. E desaroyador ta pone facilidad pa hende por haci uso di dje. Cu e forma aki e ta bisa no ta bay kita acceso na piscado.
Un otro punto cu sr. Figaroa a menciona cu desde e pandemia a cuminsa, y mester a stop cu crucero ta keda den comunicacion cu tur linea di crucero y Florida Caribbean Cruise Association pa asina keda pendiente cu tur guidelines y cu CDC pa wak ki stap lo tuma.
Leave a Reply