Presidente di Sindicato SPA, Joselito Dirksz a splica durante un conferencia di prensa pa splica riba e situacion di incidente recientemente caminda un situacion di polis y turista ta bisa cu ta consecuencia cu medianan ta ataca polis.
E ta bisa cu pa por bira un polis, no mester tin strafkaart, nan ta haci 7 test pa asina por drenta opleiding y sigui cu e pais aki. E ta bisa cu ultimamente ta wak cu media ta gewoon saca potret di polis y pone den media y lastra nan ‘manera si polis ta criminal’.
Locual e ta menciona ta di con ta ataca e polis pero no ora un criminal ta comete un acto y ta tapa nan cara. E ta bisa cu un trabou di un polis ta pa proteha pueblo y si ataca e miembro di polis ta ataca colega tambe y famia pa insinuacion cu a sali den media.
Den lo contrario cu sali den media, e conclusion ta cu e caso ta bay dilanti hues pero sindicato SPA ta condena tur insinuacion cu por causa un impacto social, caminda persona por lanta inecesariamente contra polis.
Ora cu un caso ta bou di investigacion ainda y no sa por completo kico tur a pasa. E ta bisa cu prensa mester a warda pa investigacion keda cla pa asina por publica a base di resultado y locual hues a bisa.
KPA tin e departamento tecnico caminda nan ta huramenta pa haci investigacion pa e proces verbaal cu ta determina kico ta bay pasa. E procesverbaal cu a sali den media ta castigabel y condenabel caminda por perhudica e investigacion.
Sr. Dirksz ta bisa cu e posicion di polis ta importante y casonan asina cu ta bay den media por crea mas impacto social y rabia den cuerpo policial.
Pa finalisa sr. Dirksz tambe a comparti cu ta ‘jammer cu polis cu ta frontliners’ y no ta un di e gruponan cu a haya vacuna. “Esey ta trato cu nos a ta haya di nos dunado di trabau. Tambe ta yegando 1 april y nos no sa di e landspakket, tin rumo cu Hulanda ta bay tuma stap drastico.”
Leave a Reply