Varios tiramento rond di Merca a pone cu nuebe persona a muri na henter e pais, ciudad manera Illinois, Texas, Wisconsin, Ohio, Nebraska y Louisana. Otro 10 persona a resulta herida.
For di 16 maart, 8 persona a muri y un a resulta herida na un tiramento na tres centro di massage den area di Atlanta, y a raporta mas di 50 tiramento masivo na Merca. Ta subraya cu Merca no solamente ta enfrenta pandemia di covid-19 pero un epidemia di violencia cu arma.
Un mucha muhe di 7 aña a muri na un tiramento di Chicago atardi cu tambe a laga un hende homber di 29 aña di edad gravemente herida, segun vocero di polis di Chicago, Anthony Spicuzza.
Riba un declaracion, Spicuzza a bisa cu ta dos auto tabata parkeer ora cu a cuminsa cu tiramento pa 4:18pm. E mucha muhe di 7 aña a ricibi varios impacto y a keda manda hospital, unda cu el a keda declara morto. E tiramento ta bou du investigacion.
Na Austin, Texas, tres persona a fayece. Segun dokter di emergencia di condado di Austin-Travis. Polis a describi e incidente manera un situacion domestico. Polis a identifica e sospechoso manera Stephen Nicholas Broderick, di 41 aña di edad.
Un ex-detective di oficina di sheriff di condado di Travis cu a keda acusa aña pasa di agresion sexual pa un mucha homber. Victima tabata dos hende muhe y un hende homber, segun hefe interino di polis di Austin, Joseph Chacon.
Otro tiramento na Wisconsin a laga tres persona morto y otro tres herida, segun oficina di sheriff di condado di Kenosha. E sheriff a bisa cu funcionario a haya un persona di interes pero ta spera un investigacion adicional.
Na Columbus, Ohio, un persona a fayece y otro cinco (inlcuyendo un mucha homber di 12 aña di edad) a resulta pa tiramento, e informacion a bin di oficina di sheriff di condado di Franklin.
Segun comunicado di oficina di alguacil, un grupo chikito a haci un reunion na parkeerplaats dilanti un tienda Dollar General pa corda di Jarrin Hickman kende a wordo mata un aña pasa.
Latoya Carpenter di 39 aña di edad a muri ora e tabata pasa na e tienda. Un tiro a yega na Carpenter su cabes. Ningun sospechoso ta bou custudia y e tiramento ta sigui bou investigacion.
Un hoben di 21 aña a fayece na un tiramento na un centro comercial Westroads Mall na Omaha, Nebraska, segun polis di Omaha. Un hoben di 22 aña a resulta herida pero ta spera pa sobrebibi.
Polis a aresta dos persona relaciona cu tiramento. Un hoben di 16 aña di edad bou sospecha di homicidio na prome grado, mientras cu un hoben di 18 aña di edad a keda aresta bou sospecha.
Na LaPlace, Louisiana, un persona a cuminsa tira cu arma di candela na un fiesta di un mucha homber di 12 aña di edad, camina 6 persona a keda herida. E caso tambe ta bou investigacion.
Leave a Reply