E president di Venezuela, Nicolas Maduro, ta anuncia cu lo cuminsa dos siman di cuarentena radical incluyendo siman santo. E mandatario a reitera cu e pais ta den un di dos ola di covid-19, pero ta atribui na e yegada di e variante identifica na Brasil.
Maduro ta duna siguransa cu durante 6 luna nan a mantene control di e pandemia, pero a admiti cu esey a cambia cu e yegada di e variante di Brasil. E number di persona morto tambe a aumente na Venezuela pa covid-19.
El a agrega cu a subi e ocupacion di cama na hospital, tambe a bisa cu e cifra di contagio a subi pa 27 caso pa cada 100.000 habitante durante e di tres siman di maart. El a anuncia cu lo tuma medida special, manera reactivacion di filter sanitario na actividad esencial y desinfeccion di unidad di transport publico.
El a informa cu e lo duna mas forsa na vigilancia di cumplimento di cuarentena radical y siguridad pa asina baha e movecion inecesario. Pa evita e concentracion na luga publico, y disminucion di actividad di banco y comercial no esencial.
Segun e rapport oficial, e region capital ta concentra e number mas halto di contagio. Tin 2662 caso activo na Caracas, 1190 na Miranda y 850 na LaGuaira. Venezuela a yega na 150.306 caso confirma y 1483 morto pa covid-19.
Leave a Reply