Diasabra ultimo na Bruselas mi a ricibi for di e Coordinador di OCTA, Sr. Pablo Lopez-Herreriaz, e promer -draft- di un estudio extenso titula; “Blue Economy Roadmap; Realizing the potential of the overseas countries and territories for sustainable blue growth (BLUE ECONOMY)”.
E raport aki a wordo compila pa expertonan di OCTA y COWI Belgium (Dr. K. Sumser), den consulta cu stakeholders tambe di Aruba y lo forma e base pa Aruba por yega na fondonan corespondiente di Union Europeo.
Cu e estudio aki OCTA (Association of Overseas Countries and Territories affiliated to the EU) tin como meta e identificacion di oportunidadnan pa DIVERSIFICACION di ECONOMIA di (tambe) Aruba den areanan manera; aquaculture, sustainable coastal tourism, marine biotechnology, ocean energy, seabed mining, etc.
Otro siman e Comité Ehecutivo di OCTA, presidí pa Aruba (Voorzitter), lo aproba e version final di e estudio aki. Consequentemente, OCTA lo introduci e estudio aki tambe na e Aruba Investment Summit dia 2 di juni 2021.
Leave a Reply