Docentenan di Pius X a bin hunto pa asina tin informacion pa locual ta trata decision di gobierno pa cubri salario di werkster. Mr. Barrera ta bisa cu e cortamento den e salario di trahado ta importante mirando cu werkster tambe tin famia y debe pa paga.
E ta bisa cu hende ta lubida cu ta werkster ta esnan cu ta mantene e scol limpi tur dia pa asina tur hende por ta sigur den scol. Mr. Barrera ta bisa cu minister president a yama e asunto di calamidad pa ministeriele beschikking pa asina cubri tur e asunto.
“E persona cu ta traha ta bira nos frontliners di scol, pa motibo cu nan ta esun cu ta haci limpi, e ta dificil pa bisa un trahado bay cas. Por compronde cu e minister di enseñanza cu tin un bestuurorgaan pero tin ley”, e ta bisa.
Mr. Barrera a bisa cu e posicion malo y salario abou ta pone cu ta afecta e personal di nan salario cu mester keda cubri. “Mi no ta kere cu inspecteur cu ta bin di afo ta corta tur caminda, mester sinta na mesa pa yega na un solucion.”
Segun mr. Barrera ta bisa cu e ta un situacion cu tin cu pone den balans. E trabou di werkster ta pone cu e scol ta sigur tur dia, e klas nan ta limpi y ta cumpli cu tur regla di DVG.
Nan ta pidi un reunion cu minister concerni y bestuur di SKOA pa asina yega na un ‘entendemento sano’.
Leave a Reply