Thanya Croes y Bruce Harms a bishita biblioteca pa haci entrega di un publicacion special. E duo dinamico aki a traha duro riba nan prome publicacion bou di Defiant Publications, un photo journal di e movimento social #tabasta.
Esaki ta un movimento social documenta na 2020, den cua caminda hopi hende a expresa nan malcontento, frustracion y rabia pa cu e manera con ta maneha e problematica di Abuso di mucha na Aruba.
Un grupo grandi a exigi diferente cambio, entre nan mas castigo pa e personanan cu ta comete crimen cu ta causa trauma cerca mucha. Un otro exigencia ta pa e instancianan concerni traha optimalmente cu otro.
E publicacion ta un coleccion di potret den blanco cu preto. E fotografonan a capta e emocionnan di e demonstrantenan riba e dia di e manifestacion. Esaki ta duna un imagen di e desaroyonan y e cambionan social cu ta tumando lugar na Aruba.
Thanya Croes ta consehero pa proyectonan special di Ministerio di Aasuntonan Social y Labor. Un ehemplar lo bay den nos coleccion nacional na Arubiana pa warda y algun lo keda na biblioteca pa haci nan accesibel pa henter comunidad bay den circulacion.
#tabasta
Leave a Reply