Durante un reciente entrevista cu director di ImSan, dr. Joel Rajnherc ta bisa cu nan meta di ImSan semper tabata pa por atende cu nos pashent local na Aruba mes pa asina evita cu nan mester keda bay den exterior.
Actualmente tin diversidad di trabounan medico cu ta tuma luga na ImSan. Nan ta contesta cu specialistanan den diferente ramo manera e operacion di wowo retina, antes ta conoci cu tabata manda e pashent afo, por bisa cu pa awo tin mas di 100 pashent cu a opera pa nan retina.
Tambe Aruba ta conta cu operacion di Glaucoma, cu antes tabata ta manda afo, ta trata pashent otropedico, tin chirurg general, neuro chirurg, tin pashent pa chirurgie plastico y operacion di man cu ta algo mas fini.
Dr. Rajnherc ta papia di tratamento di electroshock cu tambe antes mester a bay curaçao cune, awo a busca machine pa haci’e na Aruba. “Nos ta den volume suficiente pa haci tur esaki no Aruba y no mande afo. Nos vision ta pa haci tur cos den cuido medico, zorg pa nos pashent keda na Aruba.”
Pa april ta premira cu lo keda cla cu e 22 cama pa asina persona cu keda cla cu nan operacion por keda drumi na ImSan mes y no mester bay cas di biaha, pero por tin su dianan mas trankil y confia den nan calidad di cuido.
Tur desaroyo ta yegando leu cu ImSan pa sigui brinda e calidad y cuido cu nan ta duna. Pa locual ta trata pashentnan di afo cu ta bin haci tratamento na Aruba, esaki ta bay via nan seguro di nan pais den cooperacion cu nan specialista di afo cu di Aruba.
Dr. Rajnherc ta bisa cu esaki ta cumpliendo cu tur regla y protocol estricto di pais Aruba mirando e pandemia cu nos ta aden, tur cos bon prepara y extra safe. “Nos kier proteha nos hendenan local, nos dokternan, nos enfermornan y pashent cu ta wordo opera. Calidad y safety ta e prome cos cu ta busa na ImSan.”
Leave a Reply