AZV ta pensa cu tin diferente forma cu HAVA por yega na un solucion

Por a tuma nota cu riba medionan social, HAVA (asociacion di dokternan di cas) a anuncia un desaroyo cu tin cambio den orario den nan servicio di cuido medico. Vocero di AZV, sra. Solange Tchong ta splica riba e anuncio aki.

Pa AZV, e comunicado aki ta di lamenta, e ta bisa cu mirando e situacion di coronavirus nan no ta haya cu mester entrega. For di 1 july 2020 a pidi pa corta a base di instruccion pa baha 5.5% y pa e aña aki pa luna di january, february y maart 2.2% (fondo di AZV)

“Nos no ta di acuerdo cu e un ora menos di servicio. Nos ta den tempo di pandemia y crisis ainda. Tur hende mester a entrega y AZV a haya instruccion y wordo pidi pa entrega y baha gasto di cuido medico cu 5 miyon florin pa luna.”

Anto cu esaki dokter ta opina cu nan no mester entrega, di parti AZV ta kere cu HAVA mester recapacita den esaki. E ta bisa cu tur hedne a keda afecta door di e crisis.

Sigur AZV ta admira pa tur sector medico sea dokter, specialista, enfermeronan y tur cu ta traha duro pa yuda pashent. E ta bisa cu ta lamenta e postura di HAVA, pa motibo cu nan no kier entrega ni 2.2% ni e 5.5% pa motibo cu lo causa diferente problema pa nan.

E problema cu nan ta bisa manera oficina cu lo mester cera, manda hende cas. AZV ta bisa cu esey ta nan opinion sin embargo tin hopi forma pa soluciuona un problema den situacion di crisis.

“Mester yuda pa tur hende y ta solidario. Busca otro forma pa bin cu solucion. Ta pidi pa HAVA recapacita”, e ta bisa. Tambe e parti di pashent cu ta cumpli cu su fondonan pa AZV y awo no lo ricibi nan tratamento mirando e ora menos cu dokternan no lo duna.

E situacion por afecta pashent, pa motibo cu nan dokter lo bisa cu nan agenda ta yen of no tin mas luga. Sra. Tchong ta bisa cu no algo cu AZV ta dicidi pero ta locual a keda exigi pa asina por ricibi sosten di afo pa finanzas di Aruba.

Pa finalisa, e ta bisa cu ta opcion ta pa clausula di boet, pero banda di esey AZV lo evalua pa bay corte asina hues lo dicta a base di stao cu AZV a tuma pa motibo cu nan tambe ta pega contra muraya pero tin opcion di dialoga cu HAVA.