Awe mainta, parlamentario sr. Alan Howell a bin dilanti pa asina duna splicacion tocante e retiro di gobierno cu a tuma luga dia 30 di maart despues cu sr. Howell a ricibi un carta di investigacion di malversacion di fondo di fraccion POR.
Sr. Howell ta bisa cu tur situacion mester tende tur dos banda di medaya, e ta bisa cu ta keda pa cada ciudadano evalua kico nan mes ta sinti di e decision lihe cu a wordo tuma pa retiro di gabinete Wever-Croes.
Te ainda e caso ta den investigacion, pa e motibo aki sr. Howell ta bisa no a spera cu siman pasa tur decision a keda tuma, ora el a haya e carta cu tin un investigacion di malversacion di fondo cu tumano luga pero nada concreto.
Segun sr. Howell, el a ricibi un yamada di minister president pa pidi splicacion tocante e asunto, su persona a bisa cu te ainda no por bisa mucho mas cu esey pa motibo di investigacion tumando luga.
E ta bisa cu prome minister a bisa cu ‘mi sa suficiente’ cu esaki e siguiente yamada di minister sr. Andin Bikker a bin dilanti pa puntra kico e situacion ta, sr. Howell a duna mesun contesta anto sr. Bikker a bisa ‘tin cu haci locual tin cu haci’ y cera telefon.
Pa su sorpresa, el a ricibi e noticia cu gobierno a cay y ta pa motibo di sr. Alan Howell. “Nan a informa cu situaicon ta serio pasobra ta minister president a bay gobernador entrega gabinete.”
Segun sr. Howell ta bisa con tur cos a bay asina lihe, sin prome minister por a tene reunion cu lider di fraccion, esta prome minister, Ricardo Croes y su persona ‘no a pidi reunion urgente cu coalicion’ y puntra pa asina mi tin oportunidad pa mustra mi inocencia’.
For di sr. Howell su punto di bista for di masha tempo kier a laga gobierno cay. “Mi sa cu tin hopi responsabilidad cu nan kier a laba man di dje, no ta husto cu ta mal usa un momento asina pa tira gobierno riba nomber di Alan Howell anto laga un pais sin gobierno y sin mandato cla.”
Segun sr. Howell ta un falta di respet sin duna su persona un oportunidad pa prueba su mes. Un otro punto cu e ta menciona ta e asunto di su ex coleganan di partido POR.
E ta splica cu for di basta tempo ta trahando riba e lista di partido POR pa eleccion benidero. Anto cu for di e mesun tempo sr. Andin Bikker y parlamentario sra. Dellanira Maduro a bisa cu no tin interes pa sigui forma parti di partido POR.
E ta bisa cu ta un show y haci manera e momento oportuno pa distancia nan mes for di e partido. “Mi kier splica pueblo di forma transparente pa asina nan por compronde e berdad tras di tur movecion cu tin andando.”
Pa locual ta trata e placa di finanzas, e ta bisa cada fraccion ta haya 15.000 florin na disposicion cu por wordo usa. E ta bisa cu si cierto transaccion cu por a tuma luga, MOT por a lant aun melding y por a puntra kico tabata e motibo.
E ta bisa cu fraccion tin un tesorero caminda tin tur transaccion riba un buki y por wak unda tur finanzas a bay. “Si tin cualkier transacion cu a bay den mi fondo pa mi cuenta personal, un unico manera por ta cu mi a duna un trabounan di fraccion un voorschot pa haci trabou despues presenta invoice na e tesorero pa debolbe e placa bek.”
Leave a Reply