Trahado preventivo di FADA, Rubiella Toppenberg ta papia di andansa cu tin di hobennan cu ta huma cigaria, uso di tabacco y vaping. Mirando cu 31 di mei tabata dia internacional di ‘bisa no na tabacco’ e ta bisa cu na Aruba tin uso grandi, mal informacion riba consecuencia cu tabacco ta bin cune, y cu nicotine ta un substancia adictivo.
Una bes e persona gusta esaki, e ta bira dificil pa stop huma ‘pero tampoco imposibel’ e beneficio pa stop cu e habito ta miho pa salud. Tin e trend di muchanan cu ta usa e tabacco pa motibo cu nan ta wak nan mayornan tambe ta us’e.
Nan di FADA a yega di tende cu hasta muchanan di 6 aña ta wak nan mes ta purba, ora cu mayornan ta tira e cigaria na vloer. Esey caba ta un señal di con hobennan y mucha ta bou di influencia.
Toppenberg ta menciona cu e ta algo pa pulmon, crea problema respiratorio, tambe ta bira un problema financiero. Ora e persona ta stop di huma e ta gasta menos placa y tambe ta evita di sufri depression y ansiedad. Chens tambe pa fertilidad.
E trend di vaping tambe ta algo cu ta biniendo dilanti. Nan a haya diferente kehonan di scol. Nan ta duna charla pa e consecuencia di uso di vaping, pa asina sigui conscientisa y trece e informacion corecto riba esaki. Nan conseho ta pa evita huma pa asina educa hoben mas riba e tema aki.
Leave a Reply