Stress por crea e raiz di circulo vicioso

Stress ta parti den dos area. E prome ta e tension mental y corporal cu ta bin por ehempel exceso di trabou, e trahamento di aki, aya locual e curpa ta surfri. E ta remarca tambe cu tin persona ta bay gym costante pa baha stress ‘locual nan no sa cu e exceso por duna stress’.

Sinemabargo sr. Leal ta bisa cu cualkier cos na exceso por duna stress. Sea den cualkier cos cu un persona haci. “Stress tambe por bin ora un persona ta busca algo pa alivia e stress ta ocasiona stress.”

Ora cu un persona ta bou di tension, cu e no por hala rosea bon anto pa motibo aki e ta cuminsa huma. E funcion di e humamento ta active e ‘bronchious pulmunar’ e persona ta sinti e por hala rosea.

Den e caso aki e persona ta drenta den un circulo di vicioso. Pa motibo cu e la opta pa huma y por hala rosea, tin menos espacio pa wordo yena cu oxigeno pa ser active anto menos espcacio ta pone cu e persona ‘mester huma mas’ te na momento cu e no por los mas.

“E no ta bay pa e gravedad di e substancia pero e ta bay mas pa locual e ta haci cubo na un nivel emocional.” E tension cu tin pa motibo di e stress, ta mara na nervio di persona ‘principalmente miedo’.

Hende ta busca pa Sali for di e situacion cu di stress di nan circuloo vicioso. Problema familiar ta ocasiona cu un persona cay den e circulo vicioso. Tin algun hende cu ta crece pero e mentalidad no ta suficiente madura.

E persona por tin su diploma, bon trabou, e ta casa, e tin metanan cu el a logra pero den tur e stabilidad semper e pesona ta sinti e falta algo pa ta felis ‘e ta sinti incompleto’.

E por ta cu e situacion ta crea tension pa motibo di madurez emocional. Sr. Leal ta bisa cu na diferente momento ta pone den practica. “Comunicacion mester ta esencial. Sin esey ta consecuencia inevitable di pasenshi y respect.”

Den algun situacion sr. Leal ta bisa cu e problema no ta stress pero e madures. E ta continua bisa cu na momento ambos den e relacion por mustra un madures completo pero manera stress yega ‘nan no por maneha e situacion’. E maneho optimal di e situacion ey kiermen madures.

Cada persona ta dicidi con pa mantene e control. Pa den cada situacion cu un adulto por cay den dje e genera tension por tin consideracion cu nan pareha y actua di un forma madura. “Communicacion cu bo pareha mester ta cla, esey ta e tecnica cu tin pa e consenshi.”