Liberato Hoek, hefe di departamento di ambulance ta expresa e siman di ambulance pa haci un reflexion di locual nan departamento a pasa aden cu e situacion di pandemia. Pa keda wak tur e trabounan cu a nan a haci pa pueblo den e momentonan aki.
Aunke sr. Hoek ta bisa cu e celebracion no por ta manera antes pa cumpli cu reglanan stipula, ta keda celebra den chikito cu nan colega, dunando e danki pa e trabou di cada un di nan. Ta spera cu pa otro aña nan por tin un celebracion mas grandi pa e personal di ambulance.
Sr. Hoek a bisa cu den total a transporta mas cu 700 pashent, un averahe di 50 pashent di covid-19 a keda transporta pa luna. E ta comparti cu e transportenan aki tabata un extra peso mirando e precaucion y extra cauteloso cu cada un di nan mester a haci nan trabou ora di transporta un hende cu e virus na hospital.
Segun Hoek, e ta elogia tur su coleganan y henter e personal pa e periodo cu cada un a coopera cu esaki. E ta agradecido cu comunidad di Aruba tambe a sa di compronde y aprecia nan trabou mas di cada dia.
Tambe e ta comparti cu actualmente ambulance ta haya personal nobo den e parti di enfermeria cu mester sigui curso cu ta ser duna di Hulanda, pero mirando pandemia a atrasa un poco, mester warda mas.
Tin retonan ainda cu nan tin cu enfrente, pero nan vision pa ambulance ta wak wak 4 ambulance pa cada shift. Actualmente nan tin tres post y cada post tin tres ambulance na warda, pa asina keda mehora nan servicio.
Nan ta pidi pa persona keda cauteloso riba trafico, pa sigui e reglanan pa keda controla e coronavirus y pa tur esnan cu tin un malesa cronicio pa sigui tuma nan medicamento na tempo y sigui tur regla cu dokter ta duna.
Leave a Reply