‘reach out na famia of ser keri cu tin autismo’
Fundacion Autismo Aruba a papia pa splica tocante e fundacion y con pa ta consciente di persona cu autismo den temponan di crisis.
Carolina Span miembro di fundacion autismo Aruba manera ‘researcher’ investigado ta comparti tocante con pa ta consciente di persona cu autismo den temponan di crisis.
Varios evento cu nan ta haci manera encurasha pa tur hende bisti na blau, sende nan cas of negoshi cu lus blau. Cu ta un forma ey ta duna idea pa crea un ‘awareness’ conscientisacion visual pa persona cu ta autista den comunidad cu mester ‘mas comprension y aceptacion pa nan por yega na inclusion den comunidad.
Span ta bisa cu e situacion den e fundacion ta bayendo bon sin embargo no tin un bista di cuanto hende tin na Aruba cu autismo. “E no ta algo cu por asina lihe pa motibo cu mester sa e diagnosis di persona. E proceso con tur cos ta bay. Tin Respaldo, kind psikatria of psicoloog cu ta haci test preliminario.”
Segun Span ta bisa cu e cifra no ta keda conoci. Pero e ta remarca cu si mayoria di persona cu ta wordo diagnostica, e prome cos cu nan ta haci ta busca ayudo kico ta e siguiente stap cu ta busca e fundacion pa cualkier caso.
Cu e proposito aki e fundacion a lanta manera plataforma pa yuda e mayor den e proceso aki dus na Aruba ora cu mayornan por haya e diagnosis. “E ta algo bon pasobra e momento ey, nan ta compronde pakico e yiu of ser keri ta actua di cierto manera, ja cu prome nan tabata den limbo.”
Tambe a agrega cu AZV no ta cubri tur tratamento cu persona cu autism mester y mayornan no sa kico stap pa tuma. Spam ta ta bisacu mas hoben nan diagnostica, ‘mas grandi e chens’ pa e mucha/ hoben por adapta sum es y bira miembro di Sociedad cu por funciona na un potencial maximo.
Pa e rason, fundacion autism ta keda mustra e importancia cu mayor mester tin e diagnostico for di trempan ‘e por ta bon pa haci sinembargo e por ta eng pa e famia’. E fundacionta zorg pa link e personanan na profesionalnan cu por yuda.
Tambe nan tin un grupo di sosten cu mayornan por comparti cu otro mayor den mesun situacion, nan ta duna otro ‘tips and tricks’ den kico pa traha cune of kico no ‘nos ta wanta e comunidad di autismo’.
Pa e situacion actual cu mundo ta pasando aden, Span ta bisa cu no ta facil pa niun hende y ta conta pa persona cu autismo. Un persona autista tin un rutina, cu situacion asina ta cambia, nan ta bira insigur y nan no sa con pa sigui cu nan rutina.
Span ta splica cu pa un mayor, e ta dicifil pasobra nan no por contesta of splica nan yiu pa ki tempo henter e situacion ta bay caba ‘nos niun sa con largo e ta bay dura’. Nan conseho pa check na hende cu tin un familiar cu autismo pa wak con ta tratando cu e situacion.”
Pa mayornan compronde cu muchanan cu autismo nan lo tin momento di ‘meltdowns of cambio den nan yiu’. Tambe pa nan compronde cu si e ta un situacion fastioso pa nos, pa nan ta pio pasobra nan no ta costuma facilmente na esey.
Span ta keda bisa cu mester keda comparti e mensahe di ‘kindness’. Si nan ta sinti cu mester comparti cu otro den necesidad special tambe, pa nan ta consciente cu pueblo ta pasando den momento dificil ‘e ta dificil y no por wak ki dia e ta yega finall’. Sinemabargo e ta bisa cu por haci algo bunita pa otro.
Leave a Reply