Recientemente por a tuma nota riba e tema di adiccion na gaming ta bira mas grave. Di parti di FADA ta costuma di tende riba no na uso di droga of alcohol pero tambe ta duna conseho y tips pa e tema di videogaming pa haci esaki mas limita.
Rulienne Arends, trahado preventivo di FADA ta bisa cu e trend aki ta birando mas grandi den scolnan y durante pandemia. Pa FADA nan ta keda purba y motiva esnan cu tin problema den videogaming.
Nan tin programa cu ta ofrece y esaki por motiva mayornan pa tuma accion. Arends ta bisa cu ta dificil pa kita un hoben for di mundo electronico, pa motibo cu esey ta e forma mas facil awendia.
Sinembargo ta di suma importancia pa mayornan por bin cu un structura pa uso di aparato electronico y influencia riba e desaroyo di e hoben/ mucha su celebro.
“E mayornan ta hunga un rol importante pa tin control y un structura y adapta esaki na nan cas. Di e forma aki, si e mayornan tin cu bay traha, e hoben sa cu tin structura y lo sigui e regla aki.”
E ta bisa cu ta reconoce cu video gaming ta un problema mundial y nan di FADA ta duna informacion na tur scol secundario pa asina e hobennan por tuma e conseho y baha man na video gaming ‘nos lo intensifica nos informacion’.
Leave a Reply