Director di DTI, sra. Richella Dorothal ta bisa cu e plan regularmente di nan departamento ta manda un carta cas ‘un recordatorio’ pa asina nan bin keur adelanta.
Nan ta purba cu diferente manera pa asina e persona por cumpli cu nan keuring di auto, sin embargo e ta bisa cu ta keda na cada persona pa tuma iniciativa pa yega nan departamento. Tambe mester tuma na cuenta e controlnan di polis.
E proceso di haci afspraak ta bay mas lihe, e persona tin cu yega personal ‘e no ta digital mas’ pa awo e hende nan cu haci nan cita lo tin cu warda te cu april. Pa esnan cu ta caduca e temporada ta conseha pa di awo mirando cu si warda mas largo, e ta haya afspraak pa mei of juni.
Sra. Dorothal ta bisa cu pa aña 2020, tabatin un 30% di e personanan cu a tuma iniciativa pa keur nan auto, e otro 70% di persona cu a keda sin keur mester pasa pa 2021.
Nan ta wak cu tin un 89.157 auto na Aruba registra, pa aña un 18.000 ta bin keur cu ta e minoria di cantidad di auto cu tin. E ta bisa cu ta duna e posibilidad pa mas hende haci nan cita pa asina e keuring tuma luga.
Leave a Reply