Algun pais di Latinoamerica ta mustrando hopi afecta pa medio di pandemia. Ministerio di salud na Brasil ta recomenda pa pospone e embaraso pa motibo di aumento di caso pa covid-19. E secretario di atencion primario di salud di ministerio di Brasil, Raphael Camara a recomenda esaki pa asina nan por tin un parto mas trankil. Sin embargo esaki no lo bay pa esnan cu tin 42, 42 aña di edad perso esnan cu ta mas hoben por warda un poco mas.
Pa Ecuador, e variante identifica na Inglatera ta predominante na Quito, cu hasta e 80% di casonan analisa na algun hospital, mientras cu e variante identifica na Brasil ya caba ta na e provincia di Loja. Den ambos caso, e dos variante ta transmiti di manera comuntario segun insituto di salid ta informa.
Cinco ciudad di Colombia, Bogota, Medellin, Cali, Baranquilla y Santa Marta a bolbe impone medida di restriccion pa combati aumento di casonan di covid-19. Cali a infora un cifra di ocupacion den ICU di 91.5%, Medellin un 97% y Bogota un 77%.
President di Guatemala, Alejandro Giammattei a anuncia cu di diabierna te cu 30 april lo tin medida nobo pa lucha contra covid-19. Medida ta inclui limitacion di reunion, manifestacion y espectaculo na aire liber. E prohibicion di consumo di bebida alcoholico na establecimento comercial y limitacion di ingreso di stranhero cu ta haci den ultimo 14 dia na Brasil, Inglatera, Zuid Africa y Irlandia.
Segun dato di Universidad di Oxford, cu casi 40%, Chile tin un di cifra mas halto di vacunacion di mundo. Sin embargo, den ultimo 10 dia, e pais a registra records di casonan nobo for di comienso di pandemia. CNN a informa cu anteriormente un flexibilisacion di restriccion di vakantie di fin di aña.
Un impulso pa habri scol y tienda minorista, combina cu un cifra di eficacia inferior necesario di vacuna Sinovac ampliamente usa. Nan a contribui na condicion cu lo permiti pa virus propaga lihe na Chile.
Na Buenos Aires, Argentina, lo tin les presencial despues di cu e camara di apelacion a faya na fabor di un recurso presenta pa mayornan, studiante y docente. Gobierno nacional a firma un decreto su lo suspende actividad pa 15 dia pa asina preveni contagio di covid-19 y establece cu actividad educativo mester realisa di forma virtual te cu 30 april.
Di un otro banda, Francia lo pone restriccion pa viahero di Argentina y Chile pa miedo di variante di covid-19. Cualkier persona cu yega Francia for di Argentina, Chile y Zuid Africa lo mester haci test y ta den cuarentena durante 10 dia.
Universidad di Mexico y Merca lo firma un acuerdo pa realisa test di vacuna contra e covid-19, segun gobierno mexicano lo ta 85% mas barata cu esnan cu ta disponibel awendia.
Leave a Reply