Ocho persona a fayece na tres diferente salon di Spa na area metropolitano di Atlanta. E sospechoso a keda aresta pa 240km di distancia despues di un persecusion dramatico den auto.
E atake a pasa un ora den dos salon na noreste di Atlanta y un 50km noroeast di e ciudad. Polis ta kere cu e sospechoso di 21 aña ta responsabel di tur tres atake.
Autoridad no a identifica e victima mientras cu ta traha pa notifica e famia mas cercano. Pero cuatro di nan ta di etnia koreano segun e ministerio di relacionan exterior di Zuid Korea.
Hefe di polis di Atlanta, Rodney Bryant a bisa cu cuatro di nan ta hende muhe cu parce asiatico. Ainda e caso ta bou investigacion pa asina por duna detaye di con e horor a desaroya.
Banda di 5pm, agente policial a keda informa cu na local Young’s Asian Massage, cerca di Acworth, Georgia, ta raporta di tiramento. Segun sheriff di condado di Cherokee, Jay Baker.
Agentenan a haya cinco persona cu herida di tiramento. Dos persona a keda declara morto na e luga y tres a keda manda pa hospital caminda dos a muri. Un ora despues, polis a haya otro informe cu tin hortamento na Gold Massage Spa na Piedmont Road, Atlanta. Polis a haya tres persona morto.
Ora nan tabata eynan, polis a haya otro yamada di tiramento na e caya di Aroma Therapy Spa, caminda a haya un persona morto.
Banda di 8:30pm, un 240km zuid di e ciudad, polis a wak un persona sospechoso cu e tiramento ta dirigi na nan caminda ora cu nan a wak un auto similar den un video. A cuminsa un persecucion caminda polis a logra cu e auto di sospechoso a perde control.
E sospechoso a keda deteni sin incidente. El a keda transporta na prison di condado di Crisp. Polis ta kere cu sospechoso tambe ta responsabel di tiramento na Atlanta. Esey hunto cu evidencia di video ta probable cu ta mesun persona. Ainda e caso ta bou investigacion pa asina por confirma si casonan ta relaciona.
Leave a Reply