Cuatro persona a fayece y casi un docena di persona a keda manda pa hospital despues di un presunto boto di contrabando a bolter frente e costa di San Diego.
Vocero di Departamento di bombero y rescate di San Diego, Monica Muñoz a bisa cu a ricibi informe di un embarcacion cu a bolter cerca di monumento nacional Cabrillo na Point Loma banda di 10:27am.
James Gartland, hefe di salbabida, a bisa cu e boto a dal contra un arrecife y kibra y 30 persona a sali for di e boto. Ora cu nan a yega pa rescate, e boto tabata destroza, segun teniente Rick Romero di San Diego Fire Rescue.
Tabatin 30 persona den barco, incluyendo tres persona cu a fayece. Mayoria a yega e costa pa nan cuenta pero seis persona a keda rescata for di awa despues di cu coriente lo saca nan di lama.
“Nos obhetivo tabata pa rescata tur locual nos tabata por”, el a bisa. E departamento di bombero y rescate di San Diego a bisa cu for di nan perspectiva ta trata di un embarccion di contrabando cu ta introduci ilegalnan pa inmigrante na Merca, asina a indica Jeff Stephenson, supervisor y agente di polis frontera na sector di San Diego.
Ta kere cu e persona cu tabata opera e barco ta abou di custodia. E polis fronterisa a anuncia cu lo reinforsa e operacion di vigilancia pa por controla y baha e contrabandistanan.
Stephenson a bisa cu tin un aumento di 92% na detencion maritimo di contrabando den comparacion cu aña anterior. E 21 persona ta inclui 15 hende homber y 6 hende muhe cu ta ciudadano di mexicano sin status legal pa drenta Merca. E dos presunto contrabandista lo enfrenta cargo federal.
Leave a Reply