India ta detecta un variante nobo ‘doble mutante’ di covid-19, e ta bin awo cu e pais ta luchando pa contene e aumento di caso cu ta genera miedo pa un di dos ola.
“A haya VOC (variante di preocupacion) y un variante cu dos mutacion na India”, a informa e ministerio di salud di e pais. El a agrega cu e secuencia genomico y estudio epidemiologico ta sigui analisa e situacion.
Un variante ‘dobbel mutante’ ta un cepa di virus cu tin dos mutacion. Aun no ta sigur cuanto infeccion ta relaciona cu e variante di dobel mutacion of si e ta mas peligroso, pero e ministerio a bisa cu mutacion asina ta genera un escape inmunologico y un incremetno di inefectividad.
“Esey ta nifica cu ta haci bay en contra di accion di anticurpanan neutralisante, produci pa un malesa natural of pa vacunacion”, dr. Elmer Huerta ta splica, kende ta un experto den salud publico.
Segun e ministerio, e number di caso conoci y relaciona cu e dobel muracion no tabata suficientemente halto pa asina duna un splicacion pa aumento actual di infeccion na henter e pais.
India a registra 53.476 caso nobo di covid-19, e aumento mas halto na un solo dia den 5 luna. E ultimo biaha cu tabatin un cifra asina halto ta riba 23 di october di aña pasa.
E prome ola di infeccion di e pais a cuminsa subi den zomer y a yega na un punto maximo na september y e cifra a baha for di e momento ey. Na februari, e number di casonan diario a baha un 90% na un 10.000 pa dia.
For di maart, a keda cla cu e aumento di caso lo subi y a cuminsa subi drastico den ultimo simannan. India awo ta informa un total di 11.7 miyon di caso y 160.000 morto relaciona, segun dato di Universidad di John Hopkins.
Leave a Reply