Una base aereo cu Merca su tropa ta ocupa conhuntamente cu coalicion di Irak a keda araca cu 10 cohete. E informacion a keda manda pa funcionario di coalicion di Merca na e pais.
Misil di Grad a yega na e base aereo di Al-Asad. No tin informe di victima of daño. Ni ningun grupo a atribui e responsabilidad di atake. A haya e cohete na un zona agricola di al-Bayader cerca di ciudad di al-Baghdadi, un 180km di Bagdad.
Sabereen News, un grupo di milicias pro chiítas, a publica imagen riba nan page di Telegram cu ta afirma cu nan ta esnan cu ta tira e misil cu a ataca e base.
E atake a produci despues di un siman cu ehercito di Merca a ataca un luga na Syria usando pa dos grupo di militar respalda pa Iran. Esey ta e prome accion conoci di ehercito di Merca bou mando di presidente Joe Biden.
E base aereo a ataca pa ultimo biaha na january 2020 pa misil di Iran cu a venga Qasem Soleimani, e figuta militar mas poderoso di Iran, kende a muri na un atake aereo di Merca ordena pa president Donald Trump.
E atake di misil a produci dos dia prome di e biahe di papa Francisco na Irak, y lo ta e prome biaha cu un pontifice bishita e pais. E papa lo permanece na e embahada di vaticano durante tur su biahe.
Leave a Reply