‘White House’ ta contacta cu grupo di defensa di inmigrante cu ta busca un accion urgente di Biden

Na medida cu ta aumenta e aresto na e frontera, White House y otro funcionario di administracion ta habriendo un canal di comunicacion cu grupo di defensa cu tin un liña directo cu inmigrante.

Na e prome dia di su presidencia, Joe Biden a firma un serie di decreto cu ta aborda e sistema di migracion di Merca, locual a pone den marca un proceso pa reverti cambionan realisa bou di e president Donald Trumo cu a reduci drasticamente inmigracion di Merca.

E decreto a duna inicio na un gran medida di revision politicanan anterior sin efectua cambio, locual a genera duda di con ta planea e administracion y cumpli cu e promesanan.

E grupo di defensa di inmigrante a insta e administracion di Biden pa actua lihe y ta comunicando cu e funcionario di administracion patras di escena pa presiona pa asina nan haci cambionan urgente.

Hopi gruponan cual a keda testigo di impacto di cambio di administracion di Trump di prome man, a keda un gran parti margina na administracion anterior, pero tin influencia entre comunidad di migrante caminda Biden ta purbando di yega na nan.