Un tanker cu e nomber ‘President’ cu lo mester a sali di Venezuela rumbo Santo Domingo den oranan di mainta lo mester a laga parti di su carga Petro chemico basha den lama na parti west di e isla di Corsow despues di a confronta problemanan pa cu e navegacion.
E la yama Coordinatie Center di Kustwacht na Curacao y a raporta e derame na posicion 12°23.08 N – 069°14.80 W. E oilspill aki ta bezig ta drief direcion probablemente pa Aruba.
Kustwacht a bai den e area pa un vuelo di assessment, a informa Bureau Rampenbestrijding y Havenmeester di e situation. A monitoria e stroom di lama pa calcula area di impacto, pero no tawata tin indication cu lo e affecta e costanan di Aruba conforme modelonan di computer.
Te awe tardi 16.00 tawata falta data di e tipo di producto y cantidad di bari cu e barco President a dump West di Curacao. Mañan 19 maart 2021, lo bolbe scout e area noord di Aruba ariba lama.
Na tera lo monitor e costa noord di Aruba e siguente dianan door di differente departamento pa cu esaki. Si tin cualkier update BRA lo sa di informa prensa ariba e incidente aki pa cu e Spill rapporta door di e Barco Presidente.
Leave a Reply