E solo di Aruba ta briyando fuerte mirando cu aerolineanan ta agregando mas capacidad pa e lunanan benidero Aeropuerto Internacional Reina Beatrix (AUA Airport) ta contento pa comparti cu e cifranan di trafico ta sigui aumenta di forma stabil, mirando cu e demanda pa bai biaha den e mercado Mericano ta cresiendo.
Ta spera cu e cantidad total di movecion lo alcansa e cantidad mas halto di 151 buelo y 15,932 yegada durante e prome siman di April 2021. Ta spera cu e dia mas ocupa den cantidad di yegada lo ta Diasabra, 10 di April ora cu AUA Airport ta premira cu lo atende 3,500 pasahero yegando a bordo di 30 avion.
E recuperacion Mericano tabata fuerte; e “total seat capacity” a alcansa 72% di e nivel di 2019 (prome cu e pandemia) den e prome kwartaal di 2021. Poco poco pero sigur, data ta indica cu di siman pa siman e capacidad por lo menos ta recuperando den e mercadonan regional mas importante.
E pregunta principal ta keda riba e “traveler confidence” mirando den e segundo kwartaal di 2021. E industria lo sigui ta en espera di mas informacion riba pasaportenan di vacunacion y e acceptacion di un programa asina.
“Nos ta ansioso pa mira cu e movecionnan aereo ta aumentando di forma stabil, specialmente di nos mercado principal Merca. Nos ta optimista cu e aerolineanan Mericano lo yega e nivelnan manera cu nan tabata prome cu e pandemia pa e temporada di zomer (April /Mei) 2021.”
“Nos ta riparando tambe un tendencia positivo den e ‘passenger load factor’ semanal na yegada (porcentahe di asiento ocupa abordo di un avion), aumentando den e ultimo simannan yegando e cantidad mas halto di 64% compara cu un “load factor” di 85% na 2019,” asina Aruba Airport Authority N.V. su Air Service Development Manager Jo-Anne Meaux-Arends a comenta. April 6, 2021
Leave a Reply