Parlamentario Endy Croes por a scucha Marlon Sneek ‘e cashi redo di AVP’ ta blasfemia den conferencia di prensa mescos su coleganan Candelaria y su Lider di partido Mike Eman. Marlon Sneek di AVP a vota VOOR durante 8 aña largo y ta co-responsabel pa henter e desaster financiero y e Mega Debe cu AVP a crea.
Banda di esaki Marlon Sneek a sostene e ‘sospechoso’ mayor den caso Avestruz x minister di AVP Benny Sevinger den tur e bagamunderianan cu ta wordo investiga actualmente. Marlon Sneek a sostene Paul Croes tambe otro x minister di AVP cu tin condena strafrechterlijk riba su cabez.
Marlon Sneek ta sostene incondicionalmente su Lider Mike Eman kende a ricibi 50 mil dollar di plaka preto pa core campaña. Asina por sigui nombra e politica di Avestruz cu Marlon Sneek ta hibando cual dia pa dia ta derando e partido cu mas a causa daño den historia na pais Aruba.
Gobierno ni Parlamento a menciona contracto di Eagle cu WEB:
Ningun momento gobierno of parlamentarionan a skirbi den ningun articulo cu Eagle a sera contracto cu WEB. A splika klaramente cu RDA a sera un exlcusivity contract cu Eagle LNG. Planes ta grandi. Por exporta gas di Aruba, por feed un futuro Refineria cu gas, lo traha un bunker station pa barconan cu ta core riba gas y mas cu klaro si RDA logra yega na un contracto cu WEB den futuro WEB lo por switch riba gas cu benificionan grandi pa henter comunidad.
Un corant kisas pa error a menciona cu lo Eagle lo a sera contracto cu WEB y Marlon mester ta sincero y adresa su mes na dicho corant y no tira para, gaña, manipula, blasfemia manera su otro coleganan di AVP cu ta gobierno of Parlamento a bisa esaki.
Marlon a bisa textualmente a jama e proyecto di Eagle LNG un mentira flagrante. Ta den ki mundo Marlon ta biba? Nos ta compronde si cu Marlon su capacidad pa compronde un proyecto di e magnitud aki ta limita y ta kere cu ataka of atacha un compania renombra Americano lo ta sirbiendo interes di su pais?Esaki ta e forma cu Marlon kier gana voto? Pueblo sea atento.
Eagle LNG ta un proyecto beneficioso pa Aruba:
Ta un hecho cu Eagle LNG a sera un exlusivity agreement cu RDA. Riba tereno di RDA lo desaroya un planta y tankinan pa LNG. Lo exporta LNG pa region. Barconan a cuminsa core riba gas enbes di fuel y barconan crusero tambe ta convirtiendo pa core riba gas.
Pues lo construi un bunkerstation pa lidera nos area di Caribe unda barconan ta bunker gas na Aruba. Si logra proyecto di refineria Eagle LNG lo supply refineria pa core limpi esta core riba gas. Mas cu klaro RDA awendia tin contract cu WEB y ta bende WEB fuel y den futuro lo por bende WEB gas.
WEB lo core mas eficiente, limpi y mas barata. E wartsila recip engines ta traha pa switch masha facil pa gas. Gas lo ta stabiel y prijs lo no fluctua mas y hasta prijs di awa y coriente lo wordo reduci. Kiko Marlon Sneek no ta compronde? Pakiko tanto odio ?
Parlamentario Endy Croes no por kere cu WEB lo no kier yega na un acuerdo den futuro cu algo asina benificioso pa henter pais Aruba. Pa Marlon Sneek por por compronde bon mi ta termina cu Algemeen Belang di Aruba semper lo bay promer y si mester move piedranan den caminda esakinan lo wordo movi.
Leave a Reply