Prome señalnan di persona cu dementia

Prome señal di un persona cu tin dementia ta lubida y no corda kico a pasa un rato pasa. Mayoria di biaha e persona ta pidi su dokter di cas pa un verwijsbrief pa centro di memoria. Eynan e persona ta haya henter un check up pa un specialista of psicologo. Tambe un persona di centro di memoria lo por pasa e cas pa wak con e situacion ta. 

Na centro di memoria nan ta haci un test di sanger. Un scan na cabes pa wak con leu e cerebro ta afecta anto asina wak si di berdad ‘por papia di un dementia’ anto di ki tipo’. Segun tin cierto parti di bo cerebro cu ta haci cierto funcion ta daña, tin cu bo ta perde manera di papia, perde movimento, fisico, otro parti di cosnan. E ta depende cua di nan e ta afecta anto di eynan ta descubri ki dementia e persona tin.

Nan por diagnostica dementia for di trempan, si unabes e cerebro tin un mancha riba dje. A puntra sra. Does si e ta bin den cualkier edad of solamente riba 50 aña. E ta contesta cu na Aruba tin caso di 50 aña di edad ay ariba pero mas cu hoben cu esey, ainda no. E ta bisa cu un persona cu ta drentando den edad ey tampoco ta pensa cu e por tine,  e ta dificil.

E miho manera pa un famia por actua cu nan ser keri tin dementia, segun Does e situacion e ultimo aña e por mira cu actitud a cambia y famia ta acepta untiki mas cu nan ser keri tin dementia. E ta agrega cu si famia acepta cu nan mama, tata of casa tin dementia ta yuda cambia e pensamento y actitud di e otro nan.

Tambe awendia e ta bisa cu tin diferente manera pa educa nos mes. Manera riba interent por busca kico dementia, alzheimer ta anto e simtoma di esaki. Con un persona ta reacciona, con por anda cu persona cu tin dementia.

Ta importante pa no discuti cu nan. Purba di haci e persona mas felis e pa e momento ey.  Respeta y trata nan manera semper. Famia mester siña adapta y acepta nan mes na e persona. Tin cu hinca esey den cabes, unabes hinca esey asina anto elo bay bon.

Sinembargo e ta bisa cu ora persona tambe kita e stress e ta biba un bida mas trankil. E ora e dementia ‘no ta haci boroto y afecta asina lihe’. Pa evita situacion asina ta preferibel pa no warda y haci esfuerso pa hibe dokter pa control. E ta importante pa famia busca ayudo y ta mas habri den asunto wak con por ta yega constata kico tin.

Ta importante pa ora trata cu hende cu dementia mester ta creativo, mester tin pasenshi ‘si ta posibel gaña e persona pa sinti su contento’ esey ta haci cu ta bon pe y pa e famia ‘un persona trankil ta menos trabou’. Pa persona cu kier tin mas informacion pa compronde y combersa di dementia, nan ta haci anochi informativo pa asina nan por prepara pa proceso di e malesa.

Leave a Reply

Your email address will not be published.