Mayoria di biaha ora un persona baha peso anto no ta acudi na ayudo professional pa e parti mental. Ora un persona ta overweight, e ta wak su mes sobrepeso of obeso, y ora en realidad e baha e peso mentalmente e ta keda cu e pensamento cu e ta obeso ainda pa motibo cu no a busca pa deal cu esey.
Un persona ta subi di peso lihe pa motibo di come mucho y haci poco ehercicio. Sobrepeso y obesidad ta aumenta e riesgo di haya presion halto, diabetes tipo 2, malesa di curason, problema sea di lomba of rudia.
Sra. Sheryl Arends-Croes, kende ta nutricionista na IBISA ta splica cu e prome paso ta pa ‘dicidi di bo mes’ pa cambia e pensamento relaciona cu cuminda.
E ta remarca cu e persona mes tin cu escohe pa su muho cuido y demonstra un compoartameto saludabbel. “No djis pensa cu bo kier baga peso pa flaco of pa baha vet. Tin cu pensa mas ley cu esey, baha peso y mantene un peso saludabel.”
Sinembargo sra. Arends- Croes ta agrega cu pa come saludabel y controla emocion di con pa handle cu cuminda. E ta bisa cu e persona tin cu sa kico ta bon pa e come, ki ora e ta bon a come y e habito cu e ser humano tin pa resisti e tentacion di kier come cada rato.
E ta bisa cu cada persona tin cu conoce nan mes, ki momento ta sinti e tentacion pa satisfice bo gana anto ki momento en berdad tin hamber. E ta splica cu e tin di aber cu diferente emocionan sinti contento, tristo of tin ‘hopia biaha bored’ anto ta dicidi pa come snack. “E momento ey mester bisa stop, mi ta comiendo paso di bera mi tin hamber of come pa tentacion.”
kico por haci pa evita e tentacionnan aki?
El a contesta cu en bes di come algo cu ta haci daño pa nos curpa come algo saludable. “Por ehempel ta wak television, come popcorn pero sin salo, sin vet en bes di come un saco grandi di chips. Un yoghurt en bes di un ice cream. Reconoce e habito dañino cu bo ta causando na bo salud. Dicici pa haci e cambio.”
E ta continua splica cu mester ora curpa mester di energia pa asina por sigui funciona, no ora tin ansiedad of cravings. E ta recomendabel pa cada tanto ora come un porcion chikito pa e glucose (sucu) den curpa keda stabiel. Esey ta yuda pa tentacion.
E siguiente stap cu Arends-Croes ta splica ta pa haci chekeo pa wak unda tin cu mehora. Check cholesterol, presion, salud en general. Despues di haci chekeo na dokter, e bus di salud ta disponibel pa haci cierto chekeo.
Segun Arends-Croes e di tres paso ta pa haci movecion. Sea pa un adulto sobrepeso por lo menos un 30 minuut pero si e persona ta obeso e lo mester recomendacion di su dokter.
E ta splica como un expert fisico cu si e persona no por cana, por haci movecion na e brasa, asina por wak con leu e ta yega. Tambe por cuminsa pa cana un 5, 10, 15 minuut.
Pa baha peso mester haci ehericsio un 60 minuut pa dia pero pa mantene e peso ta un 30 minuut pa dia. “Haci movecion pa baha peso un actividad figuroso cu curason ta bati duro y cuminsa soda. Cualkier sport, gym, Zumba of ehercisio cu e persona kier haci pero importante ta pa ta activo.”
Un persona cu ta obeso ta baha mas lihe cu un persona sobrepreso.
E ta splica cu pa motibo di cu nan no ta haci movecion anto dirpiente ta cuminsa move mas cu antes e ora e ta cuminsa baha e likido cu e persona tin e ta baha despues e resto ta sigui. E persona cu ta menos yen no tin e ‘waterweight’ pero e vet anto e ta tuma mas esfuerso.
Un persona cu ta haci su esfuerso pa un miho bida saludabel por faya riba e trajecto pa logra esey, pero e ta remarca cu si faya ta importante pa lanta bek y busca ayudo.
“Pensa di unda bo a cuminsa y dicon ba cuminsa.” E ta agrega cu un persona cu ta sobrepeso por logra riba nan mes, pero un persona obeso lo ta miho pa busca un dietista pa asina por yuda den problema untiki mas medico.
Arends-Croes ta bisa cu world health organisacion ta papia, cu e ta un epidemia global di sobrepreso y obesidad cu tin rond mundo cu nan ta yame globesity.
“Mayoria parti di mundo ta birando un problema grandi di departamento di ssalubirdad publico. Pa motibo cu obeso of sobrepeso ta relaciona cu diferente malesa cronico. Curason, stroke, hypertions y mas.”
E ta aclara cu e problema di obesidad y sobrepeso ta algo di henter mundo. E ta splica cu e habito dañino na e curpa. E ta bisa cu na Aruba ultimo tempo hende gusta come afo anto e comemento afo ‘riba caya tin mas vet malo’.
E ta agrega cu hende no sa cu cua vet nan ta cushina of cuanto nan ta uza, preferibel na cas, unda cu cada persona sa cuanto, kico y con ta bay uza e vet of cuminda.
Segun Arends-Croes ta bisa cu e ta bay ‘stap voor stap’. E persona mes ta dicidi pa haci e cambio. Si ta un persona cu gusta come riba caya, e por cuminsa busca alternative diferente en bes di un truck poco poco busca algo mas saludabel cu no necesariamente mester ta un salada.
Leave a Reply