Sindicatonan ta bisa cu carta pa maestronan for di minister ta falta di profesionalismo

Sindicato SEPPA y SIMAR a tene reunion awe mainta pa asina papia cu nan docentenan pa e carta cu a ricibi di minister di enseñanza.

Presidente di Sindicato SIMAR, sra. Josephine Albertus a bisa cu docentenan di Emma School a acerca sindicato pa dialoga pa reacciona riba e carta cu a ricibi di e mandatario ‘e ta bisa pa keda profesional pero a keda leu di dje’./

Segun sra. Albertus a carta ta bisa cu e mandatario no debe ningun splicacion ‘docente no merece un splicacion?’ e ta bisa cu docentenan tin cu cera nan boca y cla. “Esey ta e maneho dictatorial en bes di sinta y dialoga.”

E ta bisa cu e carta ta representa cu nan manera sindicato no por para su tras, nan no ta bay acepta e actitud dictatorial di minister cu ta sperando e reaccion di nan banda.

Sra. Albertus a bisa cu ta e mandatario ta keda intimida e docentenan, e docente si no work no pay, ja docente ta solidario, nan mester entrega y keda keto pero nan kier sali pa e derecho na e muchanan special.

No por acepta locual a mandatario ta bisa, e ta bisa cu lo bin reaccion. Sra. Albertus di e forma aki ta sigui ataca e enseñanza special. Nan ta bay analisa e informacion cu lo bay duna, pa wak ki efecto tin y direccion cu lo bay tuma.

Di parti di SEPPA a bisa cu por mira cu ora pandemia a cuminsa tabata ideal pa docente tambe ta tranki pero ta haya cu minister di enseñanza ta sigui ataca enseñanza.

“Prome atake pa Paso Pa Futuro awo ta sigui cu Emmaschool. Na final nos kier pa minister presenta su plan. E docentenan ta esnan cu diariamente ta atende cu muchanan special. Nos sindicato lo keda sostene maestro en general y docentenan di Emmaschool.”