Fiscal di Quintana Roo ta investiga morto di un hende muhe na Tulum

E Fiscal General di Quintana Roo, na Mexico, a informa cu a cuminsa un investigacion pa e asesinato di un victima hende muhe cu probablmente a participa e polis municipal di Tulum.

E incidente a keda captura na un video cu ta circulando riba rednan social. CNN no por a verifica di forma independiente e veracidad di ken of unda ta persona cu saca e video.

Fiscal a bisa CNN cu e victima ta sali den video, sin embargo a indica cu no por duna mas detaye di e incidente. Riba e video ta mustra cu e agente policial tabata aresta e victima.

Den video por mustra un hende muhe riba vloer, otro hende muhe bisti na polis cu otro persona cu uniform di polis dilanti un patruya. E hende muhe ta pone su rudia riba e nek di e victima y por tende gritonan di e victima.

Riba otro toma, ta mustra cu e victima ta sin movecion y mara. Despues nan ta hinca su curpa den un pick-up ‘transito municipal’. E video no ta mustra cla kico a pasa prome, si tabatin interaccion entre polis y e victima. Ni tampoco e causa di e morto.

Fiscal no a duna mas detaye, pero a bisa cu ta den investigacion cu disciplina antropologo, criminalista, fotografia, dactiloscopia y forenses pa asina por tin tur evidencia.

El a agrega cu ainda ta wardando e test di necropsia, analisis di e video y mas data pa por hiba e caso na tribunal. E direccion general di siguridad publico y transito municipal di Tulum no a duna ningun palabra riba e caso.

Presidente municipal di Tulum ta condena e incidente

E presidente municipal di Tulum, Víctor Mas Tah, a condena e hecho y a ordena cu elemento keda manda pa Fiscal General di estado. E ta haci un yamada na autoridad corespondiente pa realisa investigacion, pa determina responsabilidad y husticia.

“Nos ta condena cualkier hecho di violencia contra hende muhe y cualkier persona cu ta biba den nos municipio y esnan cu ta bishita”, el a bisa. E comision di derecho humano di estado di Quintana Roo a informa cu nan a habri un keho pa e incidente.

“Ta lamentabel y condenabel cualkier privacion di vida, mas ora ta cu un persona constitucionalmente tin e obligacion di respeta, garantisa, proteha y promove derechonan humano”, nan a bisa riba e comunicado.