Agentenan a atende un yamada cu tabatin tiramento na area 202 W. Lincoln. Cuatro persona, incluyendo un menor a fayece den un tiramento masivo na Orange, California.

Teniente Jennifer Amat a bisa cu ora nan a yega polis tabata den un confrontacion di tiro cu un sospechoso. E sospechoso a keda traslada pa hospital. No a duna mas informacion di e sospechoso y e cuatro victima.

“Mi por bisa cu nos no a yega di tin un incidente manera esaki den ciudad di Orange for di 1997. E ta un tragedia pa e victimanan, nan famia, nos comunidad y nos departamento di polis”, Amat a bisa.

Gobernador di California, Gavin Newsom a bisa cu e incidente ta horibel y desgarador. “Nos curason ta bay na tur e famia afecta pa e teribel tragedia aki”, el a bisa.

Representante di California, Katie Porter a bisa cu nan ta monitorea e situacion. “Mi ta profundamente tristo pa informe di un tiramento masivo di Orange y mi ta pensa riba e victimanan y nan famia.”

E division di FBI na Los Angeles a confirma CNN cu e tiramento a bay di forma rutinario, pero cu Departamento di polis di Orange ta e agencia di investigacion principal.