Mayornan mester pone regla pa muchanan adapta na e uso di gadgets

Sr. Rhomyko Winklaar di Tienda di Educacion 161, ta papia di e situacion preocupante entre adulto y muchanan pa locual ta trata e tema di adiccion di video gaming.

Sr. Winklaar ta bisa cu mester para keto na e factor di covid-19 cu a trece hopi desafio pa e muchanan y mayornan na cas. E ta pone cu nan a pega hopi tras di un computer, tablet of un celular anto por trece cune un problema di desaroyo emocional.

E ta bisa cu WHO (World Health Organization) ta duna recomendacion na mayornan pa no duna mucho libertad ora di usa laptop, tablets of celular. “Nos kier conscientisa cu adiccion por bin hopi lihe si no por pone regla.”

Nan a yega di haya yamada cu tin hobennan y muchanan ta keda oranan largo tras di un screen, y awo cu pandemia nan no tin caminda di bay mas afo, of sali bay haci un deporte.

Pa e motibo aki, mester bin cu alternativa oa nan tin algo otro di haci cu no ta tras di un computer. Ta importante pa keda creativo y bin cu reglanan pa e mucha no ta dependiente di gadgets.

Pa cualkier mayor cu tin pregunta of mester un yudansa por acerca Tienda di Educacion riba nan plataforma di Facebook of por yama 161 for di 8am – 8pm.