Kico ta codependencia?

Codependencia hopi bes sa wordo discuti den e contexto di uzo di substancia, den cual un persona ta abusa di un tipo di substancia y ta depende di un otro persona pa por yega na placa, cuminda of cas. Pero codependencia ta mucho mas amplio cu esey.

Codepedencia por wordo defini como cualkier relacion den cual dos persona ta asina hopi involucra cu otro, cu ya nan no por funciona mas den un forma independiente. Nan estado di animo, felicidad y identidad ta wordo defini pa e otro persona.

Den un relacion codependiente, generalmente tin un persona cu ta mas pasivo y cu no por tuma decision pa su mes, y uno cu un personalidad mas dominante cu ta obtene algun recompensa y satisfaccion den controla e otro persona y tuma decisionnan di con nan mester biba.

Codependencia hopi bes ta wordo referi na “adiccion na relacion”, den cual e persona codependiente tin e tendencia di forma y bira dependiente na relacionnan toxico y emocionalmente dañino. Codependencia ta bira un problema na momento cu un persona cuminsa probecha di e otro financieramente of emocionalmente.

Loke ta tras di e comportacion aki ta subconsciente: un persona no necesariamente consciente ta trata di manipula e otro, incluso si esaki ta e resultado. Similar na esaki, por ta un persona cu ta defini su mes atrabes di un relacion, e por ta haciendo esaki inconscientemente.

Bira consciente di e motivacionnan subconsciente, ta e clave pa mehora e situacion. Permiti y acepta, ta un señal di codependencia no saludabel. Permiti y acepta, ta wordo describi como un comportacion cu ta wordo uza pa alivia e tension den relacionnan causa pa custumbernan problematico.

Permiti y acepta comportacion nan toxico ta inclui yuda saca bo pareha for di detencion of problemanan financiero, sigui dun’e chens, ignora e problema, acepta ‘smoesjes’, ta semper esun cu ta purba soluciona e problema of constantemente ta esun cla pa rescat’e for di cualkier situacion. #DASmascercadibo