A tene un entrevista cu vocero di DIMAS, sra. Marilyn Wout pa e splica algun topico di departamento manera e parti di amnistia, e ta splica cu a tende varios rumor.
E rumornan aki ta bin di persona cu conoce algun persona indocumenta of tin papelnan cu tabatin algun papel di ‘refugiado of asilo politico’ e ta bisa cu esaki no ta bera, no ta dunando ningun permiso of proteccion.
Tambe ta enfatisa cu tin persona cu ta bendiendo formulario di DIMAS, e ta bisa cu di parti di DIMAS e formulario aki ta gratis y pa persona no cumpra esaki gastando un suma halto pa un formulario cu ta gratis.
Sra. Wout ta bisa cu persona cu ta bay haci nan peticion por haci esaki via online of bin personalmente. Nan ta haya un link for di DIMAS pa asina entrega tur documento riba e dia di cita.
Si e persona tin algun dificulta pa haci esaki online, e por pasa personalmente riba e dia di cita y asina entrega e documento na nan oficina. E persona mes ta dicidi con e kier haci esaki.
Tin caso cu e persona ta haya dificil pa entrega un Eform, anto ta prefera di pasa personalmente, ta pidi si cu pa e yega net riba e dia y e orario cu nan ta pone pa e persona presenta.
E proceso aki ta dura di 6 pa 10 siman pa e persona haya su permiso. “Nos ta purba haci’e den 6 siman, pero e ta un proceso cu por tarda y si esaki tarda semper e persona por entrega un keho oficial.”
Leave a Reply