Variante B.1.1.7 ta mas transmisbel pero no ta aumenta e gravedad di a malesa segun dos estudio nobo

Dos estudio nobo ta sugeri cu e variante di coronavirus B.1.1.7 por identifica pa prome biaha na Inglatera, e ta mas transmisibel, pero no ta parce afecta e gravedad di e malesa.

E investigacion ta sugeri cu previamente e variante por ta relaciona cu e mayor riesgo di muri pa covid-19. Un estudio, publica pa The Lancet Infectious Diseases, no a haya evidencia na un test di pashent hospitalisa cu variante B.1.1.7 ta asocia cu covid-19 grave.

Sin embargo, e variante ta asocia cu aumento di carga viral, locual ta respalda e creciente evidencia di cu keda transmiti mas facilmente. E otro estudio publica pa The Lancet Public Health, no a haya asociacion significativo entre variante B.1.1.7 y tipo di duracion di sintoma di covid-19 cu persona a experimenta.

E estudio di The Lancet Infectious Diseases a inclui dato di 496 persona cu a keda ingresa na hospital na London y duna positivo na test di infeccion pa coronavirus.

A recolecta test di frotis di nanishi y garganta di pashent entre 9 di november y 20 di december. Entre test, 341 a somete na e secuenciacion di genoma. E dato di secuencia a mustra cu 198 di pashent of e 58% tin infeccion causa pa variante B.1.17.

Investigadornan no a haya diferencia den resultado di malesa grave of morto entre variante. Pero investigadornan a identifica un aumento di carga viral entre pashent B.1.1.7

En general, pashent cu B.1.17. tabata mas hoben, ta representa e aumento potencial y generalisa di transmision di e variante den comunidad of diferencia den ingreso den hospital.

E analisis a mustra cu prevalencia di variante B.1.17. den cierto region y cu tempo no asocia cu cambio den sintoma di covid-19 informa e aplicacion of duracion di sintoma.

E investigadornan no tin dato di riesgo di muri pa covid-19 y e mayoria di usuario di aplicacion ta haci test ora cu nan tin sintoma, por wak tiki infeccion asintomatico den datonan.

Sin embargo, investigadornan a haya un aumento multiplicativo den number di reproduccion di variante B.1.1.7 locual ta sugeri cu por propaga mas facilmente.